المقياس اللي بيتقاس بيه قوة اقتصاد الدول هو:
GDP – Gross Domestic Production (الناتج المحلي الإجمالي).
فمثلًا، تصنيف دول العشرين (G20) بيتحدد بناءً عليه.
وترمومتر صحة الاقتصاد هو نسبة نمو الناتج المحلي، أو ما يُعرف بـ GDP Growth.
كل ما كان معدل النمو في الحدود الصحيحة، كان ده مؤشر على صحة الاقتصاد.
الدول النامية عندها قابلية أعلى للنمو الاقتصادي، لأنها محتاجة مشروعات تنموية وبنية تحتية جديدة.
فالمفترض يكون نمو اقتصادها أعلى من غيرها.
أما الدول المتقدمة، فغالبًا يكون معدل نموها أقل، لأنها بالفعل وصلت لمستوى متقدم في:
البنية التحتية
التعليم
الصحة والعلاج
المواصلات
التصنيع والاختراعات
ولأن الناتج المحلي عندها ضخم جدًا، فحتى لو زاد، نسبة النمو بالنسبة لحجمه الكبير تبقى منخفضة.
يعني المفروض كل دولة تقارن نموها بمثيلاتها مش بدول مختلفة تمامًا في المرحلة الاقتصادية.
الدول المتقدمة (Developed Countries): من 2% إلى 4% سنويًا
الدول النامية (Developing Countries): من 4% إلى 6% سنويًا
لزيادة الناتج المحلي، لازم يحصل:
زيادة في الادخار → علشان تزيد الاستثمارات (يعني زيادة السيولة).
زيادة في ساعات العمل أو عدد العاملين (جذب واستقطاب العمالة).
اللي يرفع الناتج المحلي فعلًا هو الاستثمار في العوامل المؤثرة في الإنتاجية:
التعليم
مهارات العاملين
الإبداع والابتكار
الاقتصادي الذكي بيستخدم ترمومتر الاقتصاد زي ما الطبيب بيستخدم ترمومتر الحرارة،
علشان يشخص الحالة بدقة ويكتب الوصفة المناسبة لكل بلد حسب ظروفها،
مش يوصف علاج لدولة بناءً على حالة دولة تانية مختلفة عنها تمامًا.
